ሩስታ ማቻ (Rusta och Matcha) ብዝተፈላለዩ ወሃብቲ ኣገልግሎት ዝመሓደር ኮይኑ፡ ኩሎም ድማ ምስ ቤት ጽሕፈት ዕዮ (Arbetsförmedlingen) ውዕል ኣለዎም። ከም ሓደ ስራሕ ዝደሊ ሰብ መጠን፡ ኣብ ምድላይ ስራሕካ ብዝበለጸ ክድግፈካ ይኽእል እዩ ኢልካ እትኣምነሉ ወሃቢ አገልግሎት ክትመርጽ መሰል ኣለካ። ብዘለና ነዊሕ ተመኩሮ ኣብ ምምልማል፡ ምሕያልን ምትብባዕን ንደለይቲ ስራሕ፡ ትርጉም ዘለዎ አገልግሎት ንኸነቕርበልኩም ኣድላዩ ዘበለ ረቛሒታትን ደረጃታትን ከምነማልእ ብርእሰተኣማንነት ክንሕብረኩም ንፈቱ። 

 
ናትኩም ኣቕረብቲ አገልግሎት ሩስታ ማቻ (Rusta och Matcha) ክንከውን ክትመርጹና ተስፋ ንገብር። ምሳኹም ብሓባር ኴንና ዕድላት ክንፈጥርን ኣብ ዕዳጋ ስራሕ ሓደስቲ ተኽእሎታት ክንከፍትን ንኽእል ኢና! 

ሩስታ ማቻ (Rusta och Matcha) ኣብ ቤት ጽሕፈት ዕዮ (Arbetsförmedlingen) ንዝተመዝገቡ ሰባት: ዝቐርብ መደብ እዮ። ኣብቲ መደብ ንምስታፍ ዘድሊ ረቛሒታት ከምዝተማልአ ዝውስን ቤት ጽሕፈት ዕዮ(Arbetsförmedlingen) እዩ። ኩሉ ግዜ ብዛዕባ እቲ እንህቦ አገልግሎት፡ ንዝያዳ ሓበሬታ ክትረኽቡና ትኽእሉ ኢኹም፡ እንተኾነ ግን ኣብ መደብ ሩስታ ማቻ (Rusta och Matcha) ክትሳተፉ አብ መወዳእታ ቤት ጽሕፈት ዕዮ(Arbetsförmedlingen) እዩ ዝውስን። 

ምሳና ክትጅምር ከለኻ፡ ጸጋታትካን ጥንካረታትካን ዝድህስስ ካርታ አብምውጻእ ዝሕግዘካ ኣማኻሪ ስራሕ ይምደበልካ። ናይ ሓባር ጉዕዞና ውልቃዊ ውጥን ብምውጻእ ኢና ንጅምር። ንስኻን ኣማኻሪ ስራሕካን ብሓባር ኣብ ዕዳጋ ስራሕ ዕላማኻ ክትበጽሕ ዝሕግዙኻ፡ ንድሌታትካ ዝበለጸ ዝሰማምዑ ንጥፈታት ትመርጹ። 

 
ኣብ Arbetslivsresurs ዘለዉ ኣማኸርቲ ስራሕ፡ ዝተፈላለየ ናይ ትምህርቲ ድሕረ ባይታ ኣለዎም፣ ከም ክኢላታት HR፣ ማሕበራዊ ዕዮ፣ ማሕበራዊ ስነፍልጠት፣ ኣማኸርቲ ሞያ፣ መምህራን ወዘተ:: ኩሎም ኣብ ከም CV ምጽሓፍ፣ ሜላታት ቃለ መሕትት፣ ፍልጠት ሕቡኣት ዕዳጋታት ስራሕ፡ ከምኡ’ውን ዕድላት ስራሕን መርበብ ሓበሬታን ዝኣመሰሉ መዳያት ክእለት ኣለዎም።